An ya Liverpool za ta shiga 'yan hudun Premier kuwa?

Mintuna 11 da suka wuce

Liverpool ta tashi 0-0 da Chelsea a kwantan wasan mako na takwas a gasar Premier League da suka ranar Talata a Stamford Bridge.

A wasan farko ma a Janairu haka suka tashi, sau hudu a jere suna raba maki a tsakaninsu a dukkan fafatawa

Karo na uku da manyan kungiyoyin Premier na raba maki a fafatawa hudu a jere, bayan Everton da Liverpool tsakanin 1974 – 1975 da na Arsenal da QPR tsakanin 1992 – 1994.

Da wannan sakamakon Liverpool tana ta takwas a teburin Premier da maki 43, saura wasa 10 ta kammala fafatawar bana.

An fitar da Liverpool a Champions League da FA Cup a bana, Manchester United ce ta lashe Carabao Cup na kakar nan.

Kenan matakin ‘yan hudun farko Liverpool ke fatan shiga, domin ta buga Champions League a badi, bayan da za ta kare kakar nan ba kofi ko daya.

A bara Liverpool wadda ta yi ta biyu a Premier League a bara da lashe FA da League Cup ta buga wasan karshe da Real Madrid a bara a Champions League.

Liverpool wadda ta yi wasa 28 kawo yanzu a Premier ta yi nasara 12 da canajaras bakwai aka doke ta sau tara, sannan ta ci kwallo 48 aka zura mata 33 a raga.

Wasanni da suka rage wa Liverpool a Premier League:

Premier League Lahadi 9 ga watan Afirilu

Premier League Litinin 17 ga watan Afirilu

Premier League Asabar 22 ga watan Afirilu