Asusun Lamuni Na Duniya IMF Yace Tattalin Arzikin Najeriya Zai Bunkasa Fiye Da Na Kasar Afirka ta Kudu


Asusun lamuni  na duniya  IMF yace tattalin arzikin Najeriya zai habaka fiye da na kasar  Afirika ta Kudu. 

Wannan dai wani koma bayane kan hasashen da tun farko asusun yayi  a watan Yuli inda yace  tattalin arzikin kasar Afirka ta Kudu zai habaka da kaso  1% yayin da na Najeriya  zai habaka da  kaso 0.88%.

Da yake magana ranar Talata  lokacin  da ake bayyana rahoton yadda tattalin arzikin duniya  zai kasance,  a hedikwatar hukumar dake  birnin Washington, babban jami’in dake kula da fannin tattalin arziki a asusun, Maurice Obstfeld, yace rikicin siyasa da kuma rashin kwarin gwiwar da yan kasuwa da kuma masu siyayya  suke dashi a kasar Afirka ta Kudu. 

Yayin da ake sa ran habakar  tattalin arzikin Najeriya  zai cigaba da bunkasa  da kaso  0.88 cikin dari, shi kuwa na kasar Afirka ta kudu zai yi kasa zuwa kaso 0.77 cikin dari.

Asusun ya kuma yi hasashen  cewa tattalin arzikin duniya zai bunkasa da kaso 3.8% cikin dari nan da shekara ta 2021.

You may also like