Asalin hoton, Getty Images
Chelsea na daga cikin kungiyoyin da ke zawarcin dan wasan Brentford, kuma mai tsaron ragar Sifaniya David Raya, mai shekara 27. (Football.London)
Har wa yau Chelsea din ta nuna sha’awar dauko dan wasan Barcelona da Morocco winger Abde Ezzalzouli. Dan wasan mai shekara 21dai ya na zaman aro a Osasuna. (Mundo Deportivo – in Spanish)
Liverpool ta shiga tawagar masu zawarcin Victor Osimhen na Napoli. Dan wasan mai shekara 24, shi ne na tsakiyar Najeriya wanda Manchester United ke zawarcinsa. (Fichajes – in Spanish)
Liverpool na son dauko mai tsaron ragar Anderlecht Dutch, Bart Verbruggen dan wasan mai shekara 20, ya zama zakaran gwajin dafi kuma na sahun farko a dan tsakanin nan da ake ganin tauraronsa zai jima ya na haskawa a duniyar tamaula. (Sun)
Sabon manajan Everton Sean Dyche, ya na son tabbatar da mai tsaron ragar Ingila Jordan Pickford, mai shekara 28, ya rattaba hannu kan sabon kwantiragi da kungiyar. (Sun)
Kungiyar Southampton da Leeds na son daukar kociyar Argentina Marcelo Gallardo, mai shekara 47, a matsayin sabon manajansu. (Football Insider)
Southampton din dai ta nuna sha’awar dauko manajan Torino, Ivan Juric. (Mail)
Newcastle ta dara Liverpool da Barcelona a kokarin dauko dan wasa Eintracht Frankfurt da na tsakiyar Japan Daichi Kamada, mai shekara 26. (CaughtOffside)
Dan wasan Flamengo kuma na gaban Brazil Pedro, mai shekara 25, na gab da komawa West Ham. (Fichajes – in Spanish)
Crystal Palace na duba yiwuwar daukar dan wasan Celtic, kuma na gaban Japan Kyogo Furuhashi mai shekara 28 (Football Insider)
