Asalin hoton, Getty Images
Chelsea na neman yi wa Arsenal kancal a cinikin matashin dan wasan Shakhtar Donetsk Mykhailo Mudryk, dan Ukraine, duk da cewa tuni Gunners din sun daidaita da dan wasan mai shekara 21, inda Stanford Bridge ke son saye shi. (Sun)
Ga alama Chelsean tana jan kafa wajen biyan yuro miliyan 120 na sakin matashin dan wasan tsakiya na Argentina Enzo Fernandez, kamar yadda kwantiraginsa da Benfica, ya tanada, kuma kungiyar tasa na son lalle sai an biya kudin gaba daya kafin ta sake shi. (Telegraph)
Alamu na nuna cewa dan wasan tsakiya na Holland Memphis Depay na shirin sake komawa Manchester United amma kuma kociyan Barcelona Xavi yana son ya ci gaba da zama a Nou Camp. (Metro)
Duk da kokarin da dan bayan Manchester United Aaron Wan-Bissaka ke yi a yanzu, kila ta sayar da dan Ingilar a watan Janairu. (Athletic)
Newcastle United ta kawo karshen zawarcin dan gaban Borussia Monchengladbach Marcus Thuram, na Faransa inda yanzu kociyan kungiyar ta Premier Eddie Howe zai karkatar da hankalinsa kan wasu ‘yan wasan. (Football Insider)
Bayern Munich da Newcastle da Paris St-Germain da kuma Liverpool na shirin gogayya wajen zawarcin matashin dan wasan tsakiya na Borussia Monchengladbach Manu Kone na Faransa mai shekara 21. (Fabrizio Romano)
Chelsea da Newcastle United da kuma Bayern Munich na sha’awar golan Leeds United Illan Meslier, sai dai kuma kungiyar ba ta son sayar da dan Faransar mai shekara 22. (RMC Sport)
Har yanzu kociyan Leicester City Brendan Rodgers na fatan kungiyar za ta cimma sabuwar yarjejeniya da dan wasansu na tsakiya Youri Tielemans, na Belgium wanda kwantiraginsa zai kare a bazara. (Goal)
A shirye Arsenal take ta sayar da dan bayanta na Portugal Cedric Soares, amma kuma maganar yawan albashin da yake so a ba shi a Fulham wadda ke sonshi ta haifar da cikas. (Evening Standard)
Southampton na dab da cimma yarjejeniya da Dinamo Zagreb a cinikin dan wasan tsakiya na Croatia Mislav Orsic a kan fam miliyan 7 da rabi. (Sun)
Haka kuma Southampton din na son zawarcin dan wasan tsakiya na Racing Club Carlos Alcaraz, na Argentine mai shekara 20, a kokarin da take yin a tsira a gasar Premier a bana. (Telegraph)
Dan bayan Brazil Marquinhos, zai tsawaita kwantiraginsa da Paris St-Germain. (Le Parisien)
Brentford na dab da sayen dan gaban Jamus Kevin Schade daga Freiburg a kan fam miliyan 22 bayan kammala gwajin lafiyarsa. (Times)
Middlesbrough na tattaunawa kan karbar aron dan gaban Aston Villa Cameron Archer dan Ingila zuwa karshen kaka. (Teamtalk)
