Har yanzu Liverpool ba ta ci wasan Premier ba tun shiga 2023

Mintuna 21 da suka wuce

Liverpool ta yi rashin nasara da ci 3-0 a hannun Wolverhampton a wasan mako na 22 a gasar Premier League ranar Asabar.

Da wannan sakamakon Liverpool , wadda ta yi wasa 20 tana ta 10 a teburin babbar gasar tamaula ta Ingila da maki 29.

Wasa na bakwai kenan da Liverpool ta kara a shekara 2023, kuma daya daga ciki yi nasara shi ne a FA Cup da ta doke Wolves 1-0.

To sai dai har yanzu Liverpool ba ta karawa ba a gasar Premier a 2023 a wasa hudun da ta fafata kawo yanzu.

Cikin wasannin da kungiyar Anfield ta buga a bana har da wanda Brighton ta fitar da ita a FA Cup, duk da cewar ita ce ke rike da kofin.

Liverpool ta yi ta biyu a bara a kakar da Manchester City ta duki Premier League a ranar karshe.

Kungiyar da Jurgen Klopp ke jan ragama ce ta lashe Carabao da FA Cup a babar da buga wasan karsahe a Champions League da Real Madrid ta dauka a Faransa.

Ranar Litinin Liverpool za ta kara da Everton a gasar Premier League a Anfield daga nan ta ziyarci Newcastle ranar Asabar a dai babbar gasar tamaula ta Ingila.

Daga nan kuma Liverpool za ta karbi bakuncin Real Madrid a wasan farko na kungiyoyi 16 a Champions League da za su fafata ranar 21 ga watan Fabrairu.

Jerin wasannin da Liverpool ta buga a 2023:

Premier League Litinin 2 ga watan Janairu