Asalin hoton, Getty Images
Juventus ta ci Sporting 1-0 a wasan farko a quarter finals a Europa League da suka fafata ranar Alhamis a Turin.
Saura minti 17 a tashi wasan Juventus ta ci kwallon ta hannun Federico Gatti.
Wasa na uku da suka kece raini a tsakaninsu, bayan da suka fafata sau biyu a Champions League a kakar 2017/18
Wasa uku da suka kara a tsakaninsu:
Europa League Alhamis 13 ga watan Afirilu
Champions League Talata 31 ga watan Oktoban 2017
Champions League Laraba 18 ga watan Oktoban 2017
Juventus ba a doke ta ba wasa na 15 daga 22 da ta fuskanci kungiyoyin Portugal a gasar zakarun Turai da lashe 12 daga ciki.
Sporting ta kasa nasara a karawa 16 da ta buga a waje da shan kashi 12 a hannun kungiyoyin Italiya a gasar zakarun Turai.
