Wani mai babur dauke da man fetur ya yi sanadiyar konewar wasu mutane tara a yankin Dakatsalle dake karamar hukumar Bebeji a jihar Kano. Inda mutane shida suka kone kurmus, yayin da ragowar guda ukun suke cikin halin rai-kwakwai-mutu’kwakwai a asibiti.
Lamarin wanda ya auku da ranar yau, mai babur din wanda yake dauke da jarkokin man fetur guda biyu, ya bugi wata mota ce a yayin da direbanta ke daukar fasinja a bakin hanya.
Shi dai mai babur din ya yi kokarin kaucewa wata mota ne da ta so ta buge shi, wanda a dalilin haka jarkokin da suke dauke da fetir din suka fashe a kusa da wani mai shayi har ta kai ga fetir din ya kama da wuta, ita ma motar ta kama da wuta dauke da fasinjojin dake cikinta.
Dalibin Ajin Karshe Na Jami’ar Tarayya Dake Dutsinma Ya Fada Ruwa Ya Rasu
