Liverpool ta amince da tayin da Norwich City ta yi wa Sergi Canos, kan kudi fan miliyan biyu da dubu dari biyar.
Matashin dan kwallon, wanda ya taka leda a karamar kungiyar Barcelona, ya buga wasanni aro a Brentford, inda ya ci kwallaye bakwai a wasanni 39 da ya buga.
Dan wasan tawagar Spaniya ta matasa ‘yan kasa da shekara 19 , ya koma Liverpool a shekarar 2013, ya kuma buga wasan karshe a gasar Premier da aka kammala.
Canos zai maye gurbin Nathan Redmond a Norwich, wanda ya koma Southampton da murza-leda.
