Yawan Yin Amfani Da Kudi A Siyasa Ba Zai Haifar Da Da Mai Ido Ba Ga Siyasar Najeriya –  Akande  


Hoto: Daily Trust

Tsohon shugaban jam’iyar APC na Kasa, Cif Bisi Akande,yayi gargadin cewa yawan amfani da kudi makudai da akeyi a harkar siyasa, nan ba dadewa ba zai kashe tsarin siyasar Najeriya idan har ba’ayi maganin haka ba. 

A wata sanarwa da ofishin yada labaransa  yafitar, an rawaito tsohon gwamnan na Jihar Osun na cewa  ” siyasar kudi na rage darajar ginshikin dake sawa a shiga siyasa wanda shine don  a bautawa jama’a. Yan Siyasar Najeriya tamkar suna zaune ne akan nakiya dake jiran fashewa  kan yadda yawan amfani da kudi a siyasa ke karuwa. 

 ” Irin wannan siyasa bakuwa ce a wurin mu,tuni ta fara kore dalilin dake sawa mutane su shiga siyasa, yakamata ayi maganin haka domin barazana ce ga tsarin dimakwaradiya.”yace. 


Like it? Share with your friends!

0

You may also like